Xocalı rayon İcra Hakimiyyətinin təşkilatçılığı, Göygöl Milli Parkının dəstəyi ilə 13.07.2024-cü il tarixdə Uşaq Səfirlər Məclisinin Xocalı üzrə regional nümayəndələri "Yalnız bir Dünya" çərçivəsində "EkoSistemlərdə dəyişikliklər: Bioloji maddələrin rolu" adlı tədbir keçirdi.

Tədbirdə GöyGöl Milli Parkının direktoru Fuad Quliyev, Xocalı rayon Kosalar kənd tam orta məktəbin kimya-biologiya müəllimi Lalə Rzayeva, Uşaq Səfirlər Məclisinin Xocalı üzrə regional nümayəndələri Fidan Quluzadə və Vahid Məmmədov çıxış etdi.
Çıxış edən natiqlər ekosistem, onun önəmi, hal-hazırdaki vəziyyəti və s. barədə söz açıblar. Tədbir zamanı slayd göstərilib. Uşaqlarla maraqlı sual-cavab aparılıb. Daha sonra təbiət qoynunda gəzinti zamanı uşaqlara əyani formada yeni biliklər öyrədildi.
Məktəblilər tədbirdə müxtəlif dünya görüş əldə etdilər və təbiəti qoruyacaqlarına söz verdilər.