"Vətən səsi" xəbər verir ki, Məcburi Köçkünlərin Sosial İnkişaf Fondu “Xocalı şəhəri, Kərkicahan qəsəbəsi, Malıbəyli və Turşsu kəndlərində tikinti və bərpa işləri” tenderinin nəticələrini elan edib. Tenderin qalibi “Bakı Abadlıq Xidməti” MMC olub. Adı çəkilən yaşayış məntəqələrinin bərpası və yenidən qurulması tədbirlərinə başlamaq məqsədilə adı çəkilən şirkətlə 152 milyon 247 min 600 manat məbləğində müqavilə imzalanıb.

Qeyd edək ki, “Bakı Abadlıq Xidməti” MMC 2008-ci ildə yaradılıb, nizamnamə kapitalı 10 000 AZN təşkil edir. Binnət Əli Qasımov Oktay oğlunun qanuni təmsilçisi olduğu şirkət Bakının Yasamal rayonunda qeydiyyatdadır. "Bakı Abadlıq Xidməti MMC" bundan əvvəl Laçın şəhərinin bərpası və yenidən qurulması layihəsini də həyata keçirib.

Elxan SALAHOV